“Реал” бош мураббийи Лука Модричга мураббийлар штабидан иш таклиф қилди

38 ёшли хорватиялик бунинг учун италиялик мутахассисга миннатдорчилик билдирган бўлса-да, футболчилик фаолиятини давом эттириш унинг устуворлиги эканини айтди.

Аввалроқ Модрич Мадрид клуби билан шартномасини узайтирмаслиги ва фаолиятини якунлаши ҳақида хабарлар тарқалганди.

Тажрибали ярим ҳимоячи 2012 йилдан буён “Реал”да ўйнаб келмоқда. Модрич жорий мавсум 28 ўйинда 1 та гол урди ва 6 та голли узатмани амалга оширди. Футболчининг Мадрид клуби билан шартномаси 2024 йилнинг ёзида якунига етади.