"Атлетик"ка қарши ўйин олдидан МЮнинг икки футболчиси машғулотларга қайтди
30 апр 20:47
Янгиликлар

"Атлетик"ка қарши ўйин олдидан МЮнинг икки футболчиси машғулотларга қайтди

Эртага Европа Лигаси ярим финалида "Атлетик"ка қарши сафар ўйини бўлади.

Амад Диалло ва Маттейс де Лигт бугун "Манчестер Юнайтед"нинг асосий таркибида машқ қилишди.

Манкунианликлар эртага Европа Лигаси яримфиналида "Атлетик"ка қарши бўладиган ўйинга тайёргарлик кўрдилар.

Де Лигт жароҳати туфайли 1 апрелдан бери майдонга тушмаганди ва "Лион"га қарши Европа Лигаси чорак финал ўйинларининг иккаласини ҳам ўтказиб юборган эди.

Диалло ҳам февраль ойида тўпиғидан олган жароҳати сабабли француз жамоасига қарши ўйнамади, шунингдек, аввалги босқичда "Реал Соседад"га қарши ўйинларда ҳам иштирок этмади. Илгари ярим ҳимоячининг мавсум охиригача сафдан чиқиши ҳақида хабар берилганди.

Ҳозирча иккала футболчининг ҳам Испанияга бориши бормаслиги аниқ эмас.

Ҳавола :

Манба : championat.asia

Янгиликларни Телеграмда ўқинг!

Рейтинг: +2