Анчелотти “Валенсия” билан ўйиндаги ҳакамлик можароси ҳақида: “Ақлга сиғмайдиган нарсалар бўлиб кетди”
03 мар 2024 09:00
Янгиликлар

Анчелотти “Валенсия” билан ўйиндаги ҳакамлик можароси ҳақида: “Ақлга сиғмайдиган нарсалар бўлиб кетди”

“Реал Мадрид” устози Карло Анчелотти сўнгги сонияда жамоасининг бекор қилинган голи ҳақида фикр билдирди.

“Бугунги учрашув ҳақида нимадир гапириш қийин. Учрашув сўнггида ақлга сиғмайдиган нарсалар бўлиб кетди. Сўнгги ҳужумда бурчак зарбасидан сўнг тўп бизда эди, биз ҳужум қилаётган эдик, ҳакам тўп “Валенсия” футболчиларида бўлганидан сўнг ўйинни якунлаши керак эди.

Мен бундай ҳолат билан биринчи марта тўқнаш келмоқдаман, бошқа нимадир дея олмайман”, — деди Анчелотти.

Эслатиб ўтамиз, кечаги учрашувнинг 99-дақиқасида Беллингем гол уриб, жамоасига ғалаба тақдим этганди.Бироқ ҳакам гол бўлган вазиятдан икки сония аввал ўйин тугаганини англатувчи ҳуштакни чалгани учун гол бекор қилинганди.

Ҳавола :

Манба : championat.com

Янгиликларни Телеграмда ўқинг!

Рейтинг: +6