Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"
31 май 22:33
Янгиликлар

Виталий Левченко: "Чемпионатда танаффус юзага келганида шу каби ўртоқлик ўйинлари жамоа учун фойдали бўлади"

Фарғонада ташкил этилган "Нефтчи" - "Қўқон-1912" (1:1) назорат учрашувидан сўнг мезбонлар бош мураббийи Виталий Левченко ўз фикрларини билдириб ўтди.

Ўйин ҳақида

- Яхши ўйин ўтказдик. Йигитларда натижа босими йўқ ва хотиржам ҳаракат қилишди. Таркибда кўплаб ўзгаришларни амалга оширдик, келгусидаги ўйинларимиз учун турли услубларни синовдан ўтказиб олдик. ФИФА кунларида шу каби ўртоқлик ўйинлари жамоа учун фойдали бўлади.

- Бугунги ўйинда кўплаб ёш футболчилар майдонга туширилди. Улар кўрсатган ўйин ҳақида фикрингиз қандай?

- Уларнинг ҳаракатлари ёмон эмас. Тажриба кераклиги кўриниб турибди. Машғулотларда ёш футболчилар билан ишлаяпмиз. Шу каби ўйинларда вақт бериб, чиниқтириб борамиз. Улар ўзларини кўрсатишлари керак, шунақа имкониятлардан фойдаланиб, асосий таркибга муносиб эканликларини исботлашлари лозим бўлади.

- Билолхон Тошмирзаев бугунги ўйин қайдномасига киритилмаганига сабаб нима?

- Тошмирзаев чемпионат кубок ўйинларида майдонга тушди. Бугун унга бир оз дам олиш имкониятини бердик. Билолхон билан ҳаммаси жойида ва кейинги ўртоқлик баҳсида майдонга туширамиз.

Бекзод Толибов ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +3