UZ

Сўнгги янгиликлар

11:56Тимур Кападзе Паулу Бенту ҳақида фикр билдирди  13 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  4 10:53Довбик А Сериянинг бошқа жамоасига ўтишга яқин  2 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  44 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5 01:08Конференциялар лигаси саралаши. "Фиорентина"дан суперкамбэк!  0

Виталий Денисов. Бронза медали, ЖЧ-2014 ва Ўзбекистон терма жамоаси ҳақида Янгиликлар

Виталий Денисов. Бронза медали, ЖЧ-2014 ва Ўзбекистон терма жамоаси ҳақида

Пайшанба куни Москвадаги "Черкизова" стадионида "Локомотив" клубига 2013/2014 йилги мавсум учун бронза медаллари топширилди.
"Темирйўлчилар" ҳимоячиси, ҳамюртимиз Виталий Денисов россиялик ҳамкасбларимизнинг саволларига жавоб берди.
 
— Виталий, бир йил олдин сиз илк бор мухлислар билан мана шундай тадбирда қатнашгандингиз. Ҳозир қандай ўзгаришлар бор?
— Менимча бугун одамлар кўпроқ келишган. Бундан ташқари мени улар кўпроқ танишмоқда (кулади).

— Дастхат қўявериб қўлингиз оғриб кетмадими?
— Йўғе, ўрганиб кетдим (кулади).

— Сиз дастхат қўйган энг оригинал буюм?
— Одатда пуллар, мобиль телефонлари ёки телефон ғилофларига дастхат қўяман. Энг кутилмагани эса бугун кузатилди. Бундай катталикдаги плакатни ҳеч қачон совға қилишмаганди.



— Биз шахсан сизга совғами?
— Ҳа, ижтимоий тармоқ орқали қизлар менга совға беришмоқчи эканликларини маълум қилишди. Ман шу сюрприз бўлди!  

— Мухлислар сизга қандай тилаклар билдиришди?
— Асосан соғлик тилашди, қанотдан кўпроқ ҳужумга ўтишимни, жамоага ғалабалар ёр бўлишини, кўпроқ гол уришни ва чиройли ўйин кўрсатишни тилашди.

— Бронза медали, — ҳозирча фаолиятингиздаги энг улкан ютуқми?
— ЦСКА ёшлари сафида ўйнаб олган олтин медалимдан сўнг, бугунги медаль менимча энг муҳими ҳисобланади.  

— Очиқ машғулот вақтида умумий гуруҳдан алоҳида шуғулландингиз. Жароҳатми?
— Оёғимда кичик муаммо бор, умуман олганда барчаси жойида.

— "Локо"дан Буссуфа ва Диарранинг кетишини қандай изоҳлайсиз?

— Бу ҳақда ҳеч нима дея олмайман.



— У ҳолда ўтган мундиал ҳақида. Кимга мухлислик қилдингиз?
— Инглизларга. Яна нимагадир доим португалларга мухлислик қилавераман. Гап Криштиану Роналдуда эмас.

— Балки улар ҳам "Локо" каби қизил рангда ўйнаганлари учундир?
— Балки. Аммо мухлислик қилган жамоаларим плей-оффга чиқа олишмади. Шу боис уёғига чиройли футболга мухлислик қилдим.

— Немислар ҳақли равишда чемпион бўлишдими?
— Менимча, ҳа. Финалга Голландиянинг чиқа олмаганидан афсусландим. Менимча улар Аргентинадан кўра ёрқин ўйин кўрсатишганди.



— Бразилияда Россия термасига нима етишмади?
— Кечирасиз, Россия терма жамоаси ҳақида ҳам ҳеч нима дея олмайман (кулади).

— Унда ўзингиз тўп тепаётган Ўзбекистон терма жамоаси ҳақида нима дея оласиз?
— Биз Жаҳон чемпионатига чиқишга ҳар қачонгидан ҳам яқин келгандик, аммо иккита гол ёки бир очко етмай қолишига ўзимиз айбдормиз. Ўйлашимча, ҳозир терма жамоамиз тўғри йўлдан кетмоқда…

— … 2018 йил Россияга келасизларми?
— Буни жуда истаяпман! Терма жамоада ўша вақтга қадар ўйнашга ва у билан бирга мундиалга чиқиш учун бор кучимни беришга тайёрман.


"Спорт День за Днём" нашридан Нарзулла Сайдуллаев таржимаси
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика