Қатар 2025 йилда ФИФАнинг 2 та турнирига мезбонлик қилади
07 мар 14:37
Янгиликлар

Қатар 2025 йилда ФИФАнинг 2 та турнирига мезбонлик қилади

ФИФА кенгаши ташкилот ҳомийлигидаги иккита турнирнинг ўтказилиш санаси ва жойини тасдиқлади.

3-27 ноябрь кунлари Қатарда ФИФА U-17 ўсмирлар жаҳон чемпионати, 1-18 декабрь кунлари эса ФИФА Араб миллатлари кубоги бўлиб ўтади.

Араб миллатлари кубогида араб дунёсининг энг кучли 16 та жамоаси иштирок этади, ўсмирлар жаҳон чемпионати эса илк бор кенгайтирилган форматда ўтказилади: унда 48 та миллий терма жамоа қатнашиб, 25 кун давомида 104 та ўйин ўтказади.

"Қатар яна бир бор футбол орқали бутун минтақа ва жаҳондаги инсонларни бирлаштиради. Биз футболчилар ва мухлисларга юқори даражадаги инфратузилма ва унутилмас тажриба тақдим этишни интизорлик билан кутмоқдамиз", – деди Қатар спорт ва ёшлар ишлари вазири ҳамда икки турнир ташкилий қўмитаси раиси шайх Ҳамад бин Ҳалифа Ал Тани.

Қатар илгари ФИФА-2022 Жаҳон чемпионати, Осиё Кубоги-2023, Араб миллатлари кубоги-2021 ва бошқа кўплаб йирик мусобақаларни муваффақиятли ўтказганди. Мамлакат келажакда ўсмирлар жаҳон чемпионатининг кейинги бешта мусобақасига, шунингдек, 2029 ва 2033 йиллардаги Араб миллатлари кубогига мезбонлик қилади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +2