UZ

Сўнгги янгиликлар

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  0 11:56Тимур Кападзе Паулу Бенту ҳақида фикр билдирди  15 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  4 10:53Довбик А Сериянинг бошқа жамоасига ўтишга яқин  2 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  45 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Мурод Ризаев: "Бугун Германия 3:1 ҳисобида ғалаба қозонади" Янгиликлар

Мурод Ризаев: "Бугун Германия 3:1 ҳисобида ғалаба қозонади"

Бир ой давомида дунё футбол аҳлини ўзига оханграбодек тортиб келган жаҳон чемпионати ўз якунига етади.
Тўрт йил давомида сараланган 32 та терма жамоадан Германия ва Аргентина терма жамоалари мундиалнинг ҳал қилувчи финал учрашувига етиб келишди. Бугун муҳташам "Маракана" стадионида ЖЧ-2014нинг ғолиби аниқланади.

Кўпчилик финалда Йоахим Лёв шогирдларининг имкониятини юқорироқ баҳоламоқда. Аммо, бироз шошилмайлик. Финал ўз номи билан финал. Унда ҳар қандай натижа қа йд этилиши мумкин. Бунга бутун жаҳон чемпионати давомида гувоҳ бўлдик. Бугунги ўйин олдидан футбол шарҳловчиси Мурод Ризаевнинг фикрлари билан қизиқдик.

- Мурод ака, суҳбатимиз аввалида кеча бронза медали учун ўтказилган учрашув ҳақидаги фикрингизни билмоқчи эдим.  
- Кеча мен кутган ўйин бўлди. Сколари Неймарга кўпрок ишониб юборгани  кўриниб қолди. Гуруҳ босқичида кўпроқ шу футболчига урғу берилди. Терма жамоа футболчилари эса бунга мослашишди. Фред ҳам, бошқалар ҳам. У йўқлигида занжирнинг ўртасида узилиш пайдо бўлгандек таассурот қолди. Голландияда ҳам худди шундай ҳолат ҳукмрон эди. Роббенга урғу берилди. Фақат Неймардан фарқли равишда у охиригача ўйнаб, ишончни оқлади. Ўйлайманки, айнан Роббен жаҳон чемпионатининг энг яхши футболчиси бўлади. Лекин кеча Бразилия барибир битта гол урса керак, деб тахмин килган эдим.

- Бугунги финал ўйинидан нималарни кутяпсиз?
- Финалга келсак, руҳий устунлик Германия томонида бўлади. Немислар бу сафар ҳаддан ташқари кучли. Аргентина ҳимояга эътибор қаратиш билан бирга Мессидан  буюк рейдларни кутади. Лео ўзини кўрсатадиган пайт келди. Лекин Германияда ўз кучига бўлган ишонч ошяпти. Бу ҳакида Германиядаги тарихий шахслар ҳам гапириб, уларга далда бўляпти: Бу сафарги жамоамиз энг кучлиси, дея.

- Финалга ҳеч бўлмаганда, шу икки терма жамоадан бири чиқади, деб кутганмидингиз?
- Иккала терма жамоа ҳам финалга ҳақли равишда чиқди. Чунки, улар тактика борасида бошқа жамоалардан кучлироқ эдилар. Рақибга қараб ўйин кўрсатишди. Германиянинг муваффақиятида Бавария ва Боруссия Д клубларининг хиссаси катта бўлди, деб ўйлайман. Кўпчилик бу клубдан терма жамоага таклиф қилинганлардан ўйин сифатини қандай ошириш мумкинлигини ўрганишди. Йоахим Лёв Гвардиола ва Моуриньонинг ўйинларидан фарқли ўлароқ ўз ўйинини қурди. Бу жуда ҳам тажовузкор ўйин ҳам эмас. Бу ақлли футбол. Энди фараз қилинг, Филипп Лам ўйинини кучайтирса нима бўлади? Хедира кучайтирса нима бўлади? Ҳимояда Боатенг, Хёведес, Хуммельс ўз вазифаларини аъло даражада бажаришяпти. Қолганлар ўрта чизиқда ва ҳужумда рақибларини хоҳлаган куйларига ўйнатишяпти. Германия деярли барча жаҳон чемпионатларида энг кучлилардан бўлиб келган. Интизом уларнинг асосий қуроли. Аргентина эса Мессисиз ҳам кучли эканлигини бир неча бор исботлади. Айниқса, ўйиндан ўйинга ҳимоя чизиғи янада мустаҳкамланиб бормокда. Бу жамоа охирги 3 та ўйинда гол ўтказмади. Қизиқ ўйин бўлади ва Гарри Линекернинг гапи яна ўз исботини топса керак...

- Равшан Эрматовнинг финалга тайинланмаганлигини қандай қабул қилдингиз?
- ФИФА мутасаддилари Никола Риццолининг ёшини инобатга олиб, унга охирги марта имконият беришди, деб ўйлайман. Чунки, ФИФА ветоларни қабул қилавермайди. Мантиққа тўғри келмаяпти. ФИФА мутасаддилари Равшан финални бошқаришга ҳақли эди, лекин унинг келажаги ҳали олдинда, дейишди. Мана шу сўзлар ўзбек халқи учун етарли бўлса керак.

- Сизнингча, ЖЧ-2014нинг энг яхши футболчиси ким бўлади?
- Менга қолса мундиалнинг энг яхши футболчиси номинациясини Роббенга берган бўлардим. Гарчи Месси финалда 4 та гол урса ҳам.

- Финалда қандай ҳисоб қайд этилишини тахмин қилиб кўринг.
- Германия  Аргентина - 3:1. Шу ўринда бир маълумотни келтириб ўтишни жоиз деб топдим. Россияда 1994-1996 йилларда туғилган футболчиларга жуда катта эътибор қаратиляпти. Хатто фуқаролик ҳам бериляпти. Ўзлари мезбонлик қиладиган ЖЧ-2018га ҳозирдан тайёргарлик бошланди. Мана буни ҳақиқий ёндашув деса бўлади.

Камолиддин АЛИМОВ суҳбатлашди
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика