"Машъал" ганалик ҳимоячини ўз сафига қўшиб олди
25 фев 21:15
Янгиликлар

"Машъал" ганалик ҳимоячини ўз сафига қўшиб олди

27 ёшли ҳимоячи муборакликлар шарафини ҳимоя қилади.

Суперлигига қайтган "Машъал" клуби ганалик 27 ёшли ҳимоячи Мудасиру Салифу билан 2025 йилнинг охирига қадар шартнома имзолади. Бу ҳақда ЎзПФЛ матбуот хизмати хабар берди.

Мудасиру Салифу фаолияти мобайнида Гана, Молдова ва Саудия Арабистони мамлакатларида тўп тепган. 2021/22 йилги мавсум "Асанте Котоко" жамоаси билан Гана Премьер-лигасида, 2022/23 йилги мавсум "Шериф" билан Молдова Суперлигасида зафар қучган.

Салифу 2023/24 йилги мавсум Саудия Арабистонининг "Ал Букирия" жамоаси сафида 31 ўйинда майдонга тушиб, 7 марта огоҳлантирилган. Transfermarkt портали уни 300 минг еврога баҳолаган.