Марушичнинг дубли "Нефтчи"га Грузия жамоаси устидан ғалаба келтирди. Учрашувда ўзбекистонлик ҳакамлар ва VAR ишлади
13 фев 19:18
Янгиликлар

Марушичнинг дубли "Нефтчи"га Грузия жамоаси устидан ғалаба келтирди. Учрашувда ўзбекистонлик ҳакамлар ва VAR ишлади

Фарғонанинг "Нефтчи" жамоаси Анталия йиғини доирасида навбатдаги назорат ўйинида майдонга тушди.

Виталий Левченко шогирдларининг бу галги рақиби Грузиянинг "Колхети-1913" клуби бўлди. Унда фарғоналиклар Марушичнинг иккита голи эвазига 2:1 ҳисобида ғалаба қозонди. Ҳисоб бундан ҳам йирик кўриниш олиши мумкин эди, бироқ 85-дақиқада Жамшид Искандеров ижросидаги пенальтини рақиб посбони бартараф этди.

Эътиборлиси, учрашувни ўзбекистонлик ҳакам Акобирхўжа Шукуруллаев бошқариб борди. Шунингдек, VAR тизими ҳам ишлатилди.

"Нефтчи" – "Колхети-1913" (Грузия) 2:1

Голлар: Зоран Марушич 63', 74'

Гол урилмаган пенальти: Жамшид Искандеров 85' (дарвозабон)

"Нефтчи": 1.Ботирали Эргашев, 21.Муҳсин Убайдуллаев, 20.Анвар Ғофуров, 3.Фарруҳ Сайфиев, 77.Билолхон Тошмирзаев, 66.Иброҳимҳалил Йўлдошев, 27.Икром Алибоев, 11.Жамшид Искандеров, 7.Аброр Исмоилов, 8.Владимир Йовович, 22.Тома Табатадзе.

Захирадан тушганлар: Ғуломҳайдар Гулямов, Зоран Марушич, Йован Жокич, Бобир Абдихолиқов, Шоҳруҳ Гадоев, Муҳаммадали Ғиёсов.