"Барселона" футболчиси шартномани узайтириш бўйича музокараларни тўхтатди
10 мар 17:59
Янгиликлар

"Барселона" футболчиси шартномани узайтириш бўйича музокараларни тўхтатди

"Барселона" дарвозабони Иньяки Пенья яқин вақт ичида жамоани тарк этиши мумкин.

Испаниялик футболчи 18 январдан бери майдонга тушмаяпти, у асосий таркиб учун курашда Войцех Шенснига ютқазиб қўйди.

Журналист Маттео Мореттонинг хабар беришича, Каталония клубининг Пенья билан янги шартнома борасидаги музокаралари музлатилган. Пенья тез-тез ўйнашни хоҳлайди, шунинг учун кетиш ҳақида ўйламоқда. Амалдаги келишув 2026 йилнинг ўрталарида тугайди.

Манбага кўра, Туркиянинг "Галатасарой" клуби аллақачон 26 ёшли дарвозабон билан боғланган. Футболчини Ла Лига ва Англия Премьер-лигаси вакиллари ҳам кузатиб бормоқда.

Иньяки Пенья жорий мавсум "Барселона" учун 22 ўйинда қатнашиб, 25 та гол ўтказиб юборди.

Ҳавола :

Манба : Barca Universal

Янгиликларни Телеграмда ўқинг!

Рейтинг: +6