"Атлетико" Феликс учун "Барселона"дан қанча пул сўрамоқда?

Португалиялик ярим ҳимоячи жорий мавсум "Барселона"да "Атлетико"дан ижара асосида ўйнамоқда. У Каталония жамоасида 30та ўйинда 8та гол урди.

"Блауграна" 24 ёшли футболчининг ўйинларидан қониқмоқда, аммо унинг харидини амалга ошира олмайди – мадридликлар 70-80 млн евро сўрамоқда. "Барса" шу сабаб Феликснинг ижара шартномасини яна бир мавсумга узайтиришни таклиф қилиши мумкин.

Каталонияликлар Жоаунинг хариди учун катта пул тўлашмоқчи эмас ва бунга ҳужум қанотидаги кўп миқдордаги ўйинчилар ҳам сабаб – таркибда Витор Роке, Ферран Торрес, Рафинья ва Ламин Ямал бор. Шунингдек, ёзда таркибга ижарадан Ансу Фати ва Эстанис Педрола қайтади.