АПЛ. "Манчестер Сити" мавсумда иккинчи марта мағлуб бўлди, Ҳусанов 85 дақиқа ўйнади

Учрашувни Абдуқодир Ҳусанов асосий таркибда бошлайди.

"Брайтон" - "Манчестер Сити" 2:1

Голлар: Холанд (34, 0:1), Милнер (67-пен, 1:1), Груда (89, 2:1).

"Брайтон": Вербрюгген, де Кейпер, Данк, ван Хекке, Велтман, Балеба (Милнер, 60), Хиншелвуд (Айяри, 61), Митома, Гомес (Груда, 61), Минте, Уэлбек (Рюттер, 61).

Захирадагилар: Стил, Боскальи, Коппола, Кадыоглу, О'Райли.

"Манчестер Сити": Траффорд, Аит-Нури, Стоунз, Ҳусанов (Диаш, 85), Нунеш (Льюис, 84), Рейндерс, Родри, Силва (О'Райли, 72), Бобб, Мармуш (Доку, 72), Холанд.

Захирадагилар: Эдерсон, Аканжи, Аке, Гонсалес, Гюндоган.

Огоҳлантириш: ван Хекке (16), Ҳусанов (63), Айт-Нури (69).

ЯНГИЛАШ

Учрашув якунланди. Ҳусанов зўр ўйнаган, "Сити" жуда ёмон ўйнаган ўйин якунланди. "Сити" мавсумдаги иккинчи мағлубиятини қабул қилиб олди.

90+8. Рейндерснинг зарбаси ноаниқ кетди.

90+6. Холанднинг зарбаси ноаниқ кетди. Иккинчи темпда Родрининг узатмасидан кейин Рейндерснинг зарбаси ҳам ноаниқ кетди.

Пеп даврида шунақаси бўлганмикин, "Сити" мавсумдаги дастлабки уч турнинг иккитасида мағлуб бўлмоқда.

Иккинчи бўлимда "Брайтон" ҳудди Чемпионшип жамоасига қарши ўйнагандек жуда эркин ўйнади. Гап йўқ. "Сити" учун чақилмас ёнғоқ бўлиб қолди бу жамоа.

Бугун Аит-Нури жуда ёмон ўйнади. Жуда-жуда ёмон.

Ўйинга 7 дақиқа қўшилди.

89. ГОЛ! Марказий ҳимоядаги қўпол хатодан кейин  Груда гол урди.

88. ТРАФФОРДДДД!! Суперсейв кўрдик. Ван Хеккенинг зарбасидан кейин Траффорд тўпни қайтарди.

87. "Брайтон" стандартга эга бўлди. Узатилган тўп анчагина ноаниқ кетди.

85. Жароҳат олган Ҳусанов ўрнига Диаш, Нунеш ўрнига Льюис майдонга тушди. Бугун Ҳусанов зўр ўйин ўтказди.

83. Груданинг зарбасини Траффорд ушлаб олди. Бу пайтда Абдуқодир Ҳусанов жароҳат олиб, майдонда тиббий ёрдам олмоқда.

81. Рюттернинг зарбасини Траффорд ушлаб олди. "Брайтон" голга яқин келмоқда.

81. Оскар Бобб ниҳоят пас берди. Лекин унинг паси жуда ноаниқ бўлди. Ҳайронман у ҳали ҳам майдонда.

79. Груда энди Айт-Нурига қарши қўпол ўйнади ва фол ишлатишга мажбур бўлди.

76. Оскар Бобб яна "қизғанчиқ" услубида рақиб жарима майдончасига кириб борди ва пас бермади, тўпни йўқотди.

Айтганча, Айт-Нурининг балли 6,0га тушиб кетди, Ҳусановнинг балли эса 6,6 гача кўтарилди. Бунгача иккаласининг балли 6,4 эди.

74. Ҳусанов билан тўп учун курашда "Брайтон" футболчиси Груда йиқилди. Ҳакам пенальти йўқлигини билдирди.

71. МИНТЕЕЕ!!! УХХХХ!! Бугун у Папайни исмалоғини еб тушганми дейман. Икки рақибини кўрмасдан ўтиб кетди ва зарба йўллади. Ноаниқ.

69. Айт-Нурига сариқ. Рақибини тўхтатди.

67. ГОЛ! Милнер пенальтидан унумли фойдаланди.

66. ВАР пенальти борлигини тасдиқлади.

65. Пенальти! Нунеш тўпни қўли билан ўйнади... "Брайтон" фойдасига пенальти кўрамиз.

63. Ҳусанов огоҳлантирилди. У рақибига қарши қўпол ўйнади.

62. ЗАРБАААААА!!! "Брайтон" ҳисобни тенглаштириши мумкин бўлганди. Минтенинг зарбасини Траффорд қайтарди.

60. УХХХХХ!! Абдуқодир Ҳусанов рақибидан тўпни олиб қўйди ва шеригига оширди. "Сити" тезкор ҳужумга ўтиб кетди. Мармушнинг пасидан кейин Бобб бўш қолган дарвозани ишғол қила олмади.

58. Оскар Бобб жуда қизғанчиқлик қилмоқда. Жуда қулай нуқтага келганда ҳам зарба ёки пас бермай тўпни йўқотди. Бу иккинчиси. 

55. "Брайтон" ҳозир гол урди. Қойил! Ҳусановнинг тезлигини қаранг, рақибидан 2 метр "фора" билан ўтиб кетди. Гомес эса фол ишлатди ва ҳуштак чалинди.

54. Жарима хавфли кўриниш олди. Узатилган тўпни Велтман кўкраги билан дарвозага тўғрилашга ҳаракат қилди. Тўп дарвоза ёнидан ўтиб кетди.

53. Бернарду ўз жарима майдончаси яқинида фол ишлатди. Жарима зарбаси.

50. Оскар Бобб рақиб жарима майдончаси ичига кирди ва зарбани пайсалга солди. Натижада тўпни ҳимоячилар илиб кетди.

46. Иккинчи бўлим бошланди.

- Жамоалар иккинчи бўлимни бошлаш учун майдонга тушиб келишмоқда.

Танаффус!

45+3. Айт-Нурининг қўпол хатосидан кейин Минте тўпни эгаллаб олди ва пас берар нуқтасида Ҳусанов тўпга тегди, натижада Минте илк нуқтада пас бера олмади, иккинчисида ноаниқ пас узатди.

45+2. Ҳусанов ҳудудидан рақиблари ҳужумга ўтмоқчи бўлди. Абдуқодир ҳимояда ишончли ўйнади. 

Биринчи бўлимга 3 дақиқа қўшилди.

43. "Сити" ҳужумга ўтди. "Брайтон" посбонининг хатосидан кейин Айт-Нури қанотда тўпни эгаллаб олди ва марказга оширди. Биринчи тўлқинни ҳимоячилар қайтаришди, иккинчисида эса Родри жуда кучли зарба йўллади. Тўп стадиондан чиқиб кетадиган даражада баландда кетди.

40. "Брайтон"нинг ҳужумини Айт-Нури тўхтатди. У қанотдан узатилган диагональ пасни қайтариб қолди. Кейинчалик мезбонлар Родрига қарши фол ишлатди.

38. "Брайтон" ҳужумга ўтишга ҳаракат қилмоқда.

34. ГОООООООООЛЛЛЛЛ!! Мармушнинг фаол ҳаракатларидан кейин Холанд дарвозани ишғол қилди!

31. "Брайтон" ҳужумга ўтди. Чап қанотдан узатилган тўпни Минте тўхтата олмади. Тўпни Ҳусанов илиб кетди ва хавфни юмшатди.

29. "Сити" илк маротаба бурчак зарбасига эга бўлди. Узатилган тўп ван Хеккенинг бошига теккан ҳолда Мармушга борди. Омарнинг зарбаси анчагина ноаниқ кетди.

26. ЗАРБАААААААА!! Холанд 15 сония ичида икки марта хавфли зарба йўллади. Биринчи зарбани дарвозабон қийинчилик билан қайтарган бўлса, иккинчиси ноаниқ кетди.

24. УХХХХХ!! "Сити" чиройли комбинацион ҳужум уюштирди. Холанднинг зарбаси бироз ноаниқ кетди.

22. "Брайтон" яна бир ҳужум уюштирди. Мезбонларнинг ҳужумини Ҳусанов тўхтатди.

20. "Брайтон" бурчак зарбасига эга бўлди. Ундан узатилган тўпни Айт-Нури қайтариб юборди.

19. ЗАРБАААААААА!! Митоманинг кучли зарбасини Траффорд қайтарди. "Сити" ҳимояси офсайд юзага келтиришда қўпол хато қилди.

16. Ван Хекке огоҳлантирилди. У бир йўла Холанд ва Рейндерсга қарши қўпол ўйнади.

12. "Брайтон" устунликни қўлига олишга ҳаракат қилмоқда.

9. Учрашувдаги илк хавфли зарба. Холанд яхши вазиятга чиқиб борди ва зарба берди. Кучсиз, дарвозабон тўпни осонлик билан ушлаб олди.

7. Гомес жароҳат олди. У катта эҳтимол алмаштирилади.

5. Рейндерснинг ҳозирги ўйини карточкага тортиши керак. У рақибининг тўпиғини босиб олди.

4. Ҳусанов ўйинни яхши подкат билан бошлади. Тезликда рақиби ўтиб кетишига йўл қўймади ва тўпга ташланиб, тўпни аутга чиқариб юборди.

3. "Сити" ўнг қанотдан ҳужумга ўтаётганди. Рақиблар тўпни аутга чиқариб юборишди.

1. УЧРАШУВ БОШЛАНДИ!

- Ассалому алайкум, ҳурматли футбол ишқибозлари! Эътиборингизни "Амекс" стадионига қаратамиз. Бугун бу стадионда Абдуқодир Ҳусанов асосий таркибда "Брайтон"дан 3 очкони олиб кетиш учун ўйнайди.