Антонио ЙТҲга учради. "Вест Хэм" буни тасдиқлади: "Клубдаги барча ходимларнинг ўйлари ва дуолари Микаил, унинг оиласи ва дўстлари билан"

"Вест Хэм" жамоа ҳужумчиси автофалокатга учраганини хабар қилди.

"Вест Хэм Юнайтед" ҳужумчи Микаил Антонионинг бугун йўл-транспорт ҳодисасига учраганини тасдиқлайди. Клубдаги барча ходимнинг ўйлари ва дуолари Микаил, унинг оиласи ва дўстлари билан.

Клуб янгиланган маълумотни ўз вақтида чоп этиб боради", – дейилади "болға урарлар" баёнотида.

"Вест Хэм"нинг расмий хабарига қадар ижтимоий тармоқларда футболчининг ЙТҲ иштирокчиси бўлгани ва вертолётда шифохонага етказилгани ҳақида хабарлар тарқалди. Бу маълумот расман тасдиқланмади, аммо тармоқларда воқеа жойида сурат тарқалди.