Антони "Бетис"да яна бир йил қолмоқчи. МЮ вингери Испания клубида 7 ўйинда 3+2 қайд этди

25 ёшли вингер "Манчестер Юнайтед"дан ижара асосида испан клуби шарафини ҳимоя қилмоқда. Шартнома муддати мавсум охирида тугайди, сотиб олиш ҳуқуқи кўзда тутилмаган.

Бразилиялик футболчи "Бетис" сафида барча мусобақаларда еттита ўйинда майдонга тушиб, учта гол урди ва иккита голли узатмани амалга оширди.

"Ўтган куни Антони менга яна бир йил қолмоқчи эканини айтди. У бу ерда бахтли ва келганидан кейин шаҳарга мослашиши учун унга яратилган шароитлардан ҳайратда қолди," - деди "Бетис" бош директори Рамон Аларкон El Pelotazo дастури эфирида.