Ангренга катта футбол қайтади
09 фев 08:10
Янгиликлар

Ангренга катта футбол қайтади

Биринчи лигада фарм жамоалар сони яна биттага кўпаймоқда.

Ўтган йилнинг 27 декабрь куни ОКМК ва Лига раҳбарияти ўзаро учрашув ўтказиб, Ангрен шаҳрида ОКМК клубининг фарм жамоасини ташкил этиш масаласида суҳбатлашганди.

7 февраль куни ОКМК мазкур лойиҳани ишга тушириш режаси клуб таъсисчиси томонидан расман тасдиқланганилигини маълум қилди. Эндиликда клуб фарм жамоаси ОКМК Семурғ номи билан юритилади ва у ўз учрашувларини Ангрен шаҳрида ўтказади.

Маълумот учун, 2024 йилда "Насаф", "Пахтакор", "Навбаҳор" ва "Бунёдкор" клубларининг фарм жамоалари Биринчи лигада тўп тепганди. Жорий мавсум улар қаторига "Локомотив" ва ОКМК ҳам қўшилишга қарор қилди.

Ҳавола :

Манба : ЎзПФЛ матбуот хизмати

Янгиликларни Телеграмда ўқинг!

Рейтинг: +4