Шерали Жўраев: ”3 очко бизга сув билан ҳаводек зарур эди”
02 окт 2016 12:30
Янгиликлар

Шерали Жўраев: ”3 очко бизга сув билан ҳаводек зарур эди”

Олий лиганинг 24-тур доирасида Навоийнинг “Қизилқум” жамоаси сафарда “Андижон” меҳмони бўлди.

Ўйинда“Қизилқум” жамоаси 2:1 ҳисобида ғалаба қозонди. Ушбу беллашувдан сўнг “Қизилқум” ярим ҳимоячиси Шерали Жўраев ўз фикрлари билан ўртоқлашди.

- Икки мағлубият ва уйдаги дурангдан сўнг бўлажак ўйинга жиддий тайёргарлик кўрдик. Ғалабага иштиёқимиз жудаям баланд эди. Ўйин муросасиз кечди. “Андижон” жамоаси бизга муносиб қаршилик кўрсатди. Жамоамиз билан бў ўйинда ғалаба қозонишимиз ва очко билан қайтишимиз шарт эканлигини билар эдик. 3 очко бизга сув ва ҳаводек зарур эди, хаттоки дуранг бизни қониқтирмас эди. Қийин ўйин бўлди деб ўйлайман. 2016 йилдаги олий лигада барча жамоалар билан бахс юритиш қийин. Ҳар битта баҳс қийинчилик билан ўтмоқда. Мухлисларимизга улар кутган натижани тақдим этишга ҳаракат қиламиз, - дейди Жўраев.

Дилдора Холбоева суҳбатлашди

Ҳавола :

Манба : championat.asia

Янгиликларни Телеграмда ўқинг!

Рейтинг: +4