Сергей Лебедев: “Маҳоратли футболчилар мезбонлар ғалабасига муносиб ҳисса қўшишди”
15 май 10:21
Янгиликлар

Сергей Лебедев: “Маҳоратли футболчилар мезбонлар ғалабасига муносиб ҳисса қўшишди”

Ўзбекистон кубоги, “Е” гуруҳи, 3-туридан ўрин олган “Навбаҳор” – “ФарДУ” (3:1) учрашувидан кейиги матбуот анжуманининг биринчи қисмида меҳмонлар бош мураббийи Сергей Лебедев қатнашиб, журналистларнинг саволларига жавоб берди.

– Менимча, бугунги учрашув барча мухлисларга манзур бўлди. Ўйин яхши кечди. Беллашувнинг 1-бўлимида бизда имкониятлар юзага келди. Аммо улардан фойдалана олмадик. Ўйин чиройли тарзда кечди. Бизга бироз омад етишмади. “Навбаҳор”ни бугунги ғалаба билан табриклайман ва жамоага кейинги баҳсларда омад ёр бўлишини тилайман.

- Иккинчи бўлимда “Навбаҳор” таркибида юз берган ўзгаришлар “ФарДУ”нинг ўйинига қанчалик таъсир ўтказди? Боиси, жамоангиз 1-бўлимда яхши ўйин намойиш этди. Аммо 2-бўлимда ташаббус тўлиғича мезбонлар тарафига ўтди . . .

– Албатта, мезбонлар таркибида бирданига 3 нафар асосий таркиб футболчиларининг захирадан майдонга тушишлари уларнинг ўйинида катта роль ўйнади.

Ушбу ўзгаришлар майдон эгаларининг ўйинида бурилиш ясади, шунингдек, ўзимизнинг хатоларимиз эвазига ҳам дарвозамиздан тўплар ўтказиб юбордик. Маҳоратли футболчилар мезбонлар ғалабасига муносиб ҳисса қўшишди.

Ҳавола :

Манба : @fcnavbahor

Янгиликларни Телеграмда ўқинг!

Рейтинг: +1