Криштиану Роналдунинг ўғли Португалия терма жамоасида 7-рақам остида дебют қилди
15 май 12:54
Янгиликлар
Криштиану Роналдунинг ўғли Португалия терма жамоасида 7-рақам остида дебют қилди
Саудия Арабистонининг "Ал Насср" клуби ҳужумчиси Криштиану Роналдунинг ўғли кичик Криштиану Роналду илк бор Португалия U-15 терма жамоасида ўйнади.
14 ёшли футболчи Свети Мартин на Мури шаҳрида Влатко Маркович хотирасига бағишланган турнирда Япония терма жамоасига қарши ўйинда дебют қилди. Роналдунинг ўғли 54-дақиқада майдонга тушди, аммо гол ура олмади. Учрашув Португалиянинг 4:1 ҳисобидаги ғалабаси билан якунланди.
"Португалия терма жамоасидаги дебютинг билан табриклайман, ўғлим. Мен сен билан жуда фахрланаман!", – деб ёзди Роналду Instagram саҳифасида.
Учрашувга Роналдунинг онаси ҳам ташриф буюриб, набирасини қўллаб-қувватлаган ва уни дебюти билан табриклаган.
Португалияликлар кеча Греция билан дуранг (1:1) ўйнаган бўлса, эртага Англия терма жамоасига қарши баҳс олиб боради.
Кичик Криштиану Саудия Арабистонининг "Ал Насср" клуби футбол академиясида таҳсил олади.
Ўхшаш янгиликлар
championat.asia
"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди
Тимур Кападзе: "Эрон терма жамоаси қачон рози бўлган ўзи?"
Славен Билич Ўзбекистон терма жамоаси бош мураббийига айланиши мумкин
U-23 Осиё Кубоги саралаш босқичи. Ўзбекистон Фаластинни қийинчилик билан мағлуб этди
Фикрлар