Февзи Давлетов: "Гол урганимиздан сўнг ҳимояга ётиб олдик. Шу хатомиз туфайли бугун ғалабани қўлдан чиқардик"

- Ўйин ҳақида

- Биринчи бўлимни яхши ўтказдик ва кўп вазиятлар яратдик. Иккинчи бўлимда бироз ўзгаришларга қўл урдик ва гол урдик ҳам. Гол урганимиздан сўнг ҳимояга ётиб олдик. Нега бундай қилганимизни билмайман. Ҳисобда олдинга чиқиб олганимиздан сўнг ҳимояга ётиб олиш яхши эмас. Бу бизга бош оғриқ бўлмоқда.

- Жамоангиз голдан сўнг ҳимоявий услубга ўтаётганидан нолидингиз. Бунга сабаб нима? Бош мураббий кўрсатма бермаётган бўлса, нега футболчилар ҳимояланишмоқда?

- Ушбу масалани ҳал этишимиз керак. Бу бизнинг муаммомиз. Шунигдек, яратган вазиятларимиздан яхши фойдалана олмаяпмиз.

- Сильванус Нимели қачон сафга қайтиши ҳақида маълумот берсангиз? Шунингдек, сўнги учрашувларда яхши ўйин намойиш этаётган Асадбек Каримов бугунги учрашувда кеч майдонга тушди. Каримовнинг асосий таркибдан жой олмаганига сабаб нима?

- Нимели тикланиш жараёнида. Секин асталик билан ўз спорт формасини тиклаб бормоқда. Ҳужумчимиз тезроқ сафга қайтишига умид қиламиз. Асабдек Каримовни эртароқ майдонга туширишим керак эди деб ўйлайман. Шу ишда бироз хатога йўл қўйдим. Асабдек ўйинни кучайтира олиши аниқ эди, аммо биз кеч қарор қабул қилдик.

- Ўйин давомида прожекторлар учиб қолди ва учрашув бир муддатга тўхтатилди. Бу жамоангизга қанчалик зарар етказди?

- Аксинча, бу бизга ёрдам берди. Чироқ ўчишига қадар жуда чуқур ҳимояга ётиб олгандик. Техник танаффусда бироз нафас ростлаб олдик.