"Боруссия Д" мухлислари "Барселона" меҳмонхонаси ёнида мушакбозлик уюштирди
15 апр 20:41
Янгиликлар

"Боруссия Д" мухлислари "Барселона" меҳмонхонаси ёнида мушакбозлик уюштирди

Чемпионлар лигасининг чорак финалнинг жавоб учрашуви олдидан германиялик мухлислар бироз муғомбирлик ишлатишга ҳаракат қилишди.

"Боруссия Д" ва "Барселона" ўртасидаги муҳим ўйин олдидан, кеча кечаси немис клуби мухлислари Каталония жамоаси жойлашган меҳмонхона яқинида мушакбозлик уюштиришди.

Хабар қилинишича, кучли шовқинга қарамай, бу воқеа на "Барса" футболчиларини, на клуб президенти Жоан Лапортани ташвишга солди.

Шундай қилиб, дортмундлик мухлисларнинг провокацияси керакли натижа бермади. "Барселона" эса ўйинга жанговар кайфиятда тайёргарлик кўраётгани айтилди.

Эслатиб ўтамиз, "Боруссия Д" - "Барселона" жавоб учрашуви 15 апрель куни, соат 23:59да бўлиб ўтади.

Ҳавола :

Манба : Barca Universal

Янгиликларни Телеграмда ўқинг!

Рейтинг: +1